ပြည်ထောင်စုရာထူးဝန်အဖွဲ့
နိုင်ငံ့ဝန်ထမ်းနည်းဥပဒေများ၊ ဝန်ထမ်းရေးရာ ကိစ္စရပ်များ
ဤစကားလုံးများဖြင့်ရှာဖွေနိုင်သည်။ ပုဒ်မ(၁)နည်းဥပဒေ(၁)အပိုဒ်(၁)အခန်း(၁)rule(1)article(1)section(1)chapter(1)
နိုင်ငံ့ဝန်ထမ်းနည်းဥပဒေများ၊ နည်းဥပဒေ ၃၇ အရ ပြည်ထောင်စုအဆင့် အဖွဲ့အစည်းများနှင့် ပြည်ထောင်စုအဆင့်ဝန်ကြီးဌာနများက ထူးချွန်သည့်ဝန်ထမ်းများကို ပညာအရည်အချင်းသတ်မှတ်ချက်နှင့် ပြည့်မီခြင်းမရှိသော်လည်း ကြိုးစားမှု၊ လေ့လာမှုထူးကဲသာလွန်သည့် ဝန်ထမ်းများကို ချီးမြှောက်နိုင်ရန်အတွက် ပညာအရည်အချင်း သတ်မှတ်ချက်ကို လျှော့ပေါ့၍ ရာထူးတိုးမြှင့်ခန့်ထားနိုင်ရေး ပြည်ထောင်စု အစိုးရအဖွဲ့သို့ တင်ပြရာတွင် လိုက်နာဆောင်ရွက်ရန် နိုင်ငံ့ဝန်ထမ်းဥပဒေပုဒ်မ ၇၆၊ ပုဒ်မခွဲ (ခ) အရ အပ်နှင်းထားသော လုပ်ပိုင်ခွင့်ကို ကျင့်သုံး၍ သတ်မှတ်လိုက်သည်။
၁။ ပြည်ထောင်စုအဆင့်အဖွဲ့အစည်းများနှင့် ပြည်ထောင်စုအဆင့်ဝန်ကြီးဌာနများအနေဖြင့် ပညာအရည်အချင်းသတ်မှတ်ချက်ကိုလျှော့ပေါ့၍ ရာထူးတိုးမြှင့်ခြင်းဆောင်ရွက်ရာတွင် အောက်ဖော်ပြပါ သတ်မှတ်ချက်များနှင့် ကိုက်ညီသည့် ဝန်ထမ်းများကိုသာ ပြည်ထောင်စုအစိုးရအဖွဲ့သို့ တင်ပြရမည်-
၂။ သက်ဆိုင်ရာ ပြည်ထောင်စုအဆင့် အဖွဲ့အစည်းများနှင့် ပြည်ထောင်စုအဆင့် ဝန်ကြီးဌာနများအနေဖြင့် လူမှုရေးခက်ခဲသော ဒေသများနှင့် လူမှုရေးအခက်ခဲဆုံးဒေသများရှိ ဝန်ထမ်းများအတွက် ပညာအရည်အချင်းသတ်မှတ်ချက်ကို လျှော့ပေါ့၍ ရာထူးတိုးမြှင့်ခန့်ထားနိုင်ရေးနှင့် စပ်လျဉ်း၍ သီးခြားကိစ္စရပ်အနေဖြင့် တင်ပြဆောင်ရွက်ရမည်။
၃။ ပြည်ထောင်စုအစိုးရအဖွဲ့မှ အတည်ပြုထားသည့် ရာထူးအဆင့်အလိုက် အနည်းဆုံး လိုအပ်သော ပညာအရည်အချင်း၊ ကျွမ်ကျင်မှုအရည်အချင်း သတ်မှတ်ချက်များအား ဖွဲ့စည်းပုံပြင်ဆင်ခြင်း၊ အသစ်တင်ပြခြင်း၊ တိုးချဲ့ခြင်းတို့ကြောင့် ပြင်ဆင်ရန်လိုအပ်လာသည့် ကိစ္စရပ်များမှ အပ (၃) နှစ်အတွင်း ပြင်ဆင်ရန် တင်ပြခြင်းမပြုရ။
၄။ ရာထူးအဆင့် အလိုက် အနည်းဆုံး ရှိရမည့် ပညာအရည်အချင်း သတ်မှတ်ချက်ကို လျှော့ပေါ့၍ ရာထူးတိုးမြှင့်ခန့်ထားခြင်းဆိုင်ရာကိစ္စရပ်များကို ပြည်ထောင်စုအဆင့် အဖွဲ့အစည်းများနှင့် ပြည်ထောင်စု အဆင့်ဝန်ကြီးဌာနများအနေဖြင့် ပြည်ထောင်စုရာထူးဝန်အဖွဲ့၏ သဘောထားမှတ်ချက်နှင့် အတူ ပြည်ထောင်စုအစိုးရအဖွဲ့ရုံးသို့ ဧပြီ/ဩဂုတ်/ဒီဇင်ဘာလများ၏ နောက်ဆုံးပတ်များတွင်သာ အဆိုပြုတင်ပြရမည်။
သန်းဆွေ
ဥက္ကဋ္ဌ
ပြည်ထောင်စုရာထူးဝန်အဖွဲ့
စာအမှတ်၊ ၁၄၇ / ဥပဒေ / ၁ /၂၀၂၂
ရက်စွဲ၊ ၂၀၂၂ ခုနှစ်၊ ဇနန်နဝါရီလ ၁၄ ရက်
နိုင်ငံ့ဝန်ထမ်းနည်းဥပဒေများကို စတုတ္ထအကြိမ်ပြင်ဆင်သည့်နည်းဥပဒေများပါ နိုင်ငံ့ဝန်ထမ်း တစ်ဦး သက်ပြည့်အငြိမ်းစားယူရမည့်နေ့ရက်နှင့်စပ်လျဉ်း၍ လိုက်နာဆောင်ရွက်ရန် ပြည်ထောင်စု ရာထူးဝန်အဖွဲ့သည် နိုင်ငံ့ဝန်ထမ်းဥပဒေ ပုဒ်မ ၇၆၊ ပုဒ်မခွဲ (ခ) အရ အပ်နှင်းထားသောလုပ်ပိုင်ခွင့်ကို ကျင့်သုံး၍ ဤအမိန့်ကြော်ငြာစာကို ထုတ်ပြန်လိုက်သည်။
၁။ နိုင်ငံ့ဝန်ထမ်းနည်းဥပဒေများကို စတုတ္ထအကြိမ်ပြင်ဆင်သည့်နည်းဥပဒေများပါ သက်ပြည့် အငြိမ်းစားယူရမည့်နေ့ရက်ကို ဝန်ထမ်းအသက် ၆၂ နှစ်ပြည့်သည့်နေ့ရက်ဟု သတ်မှတ်ခဲ့သည့် ပြဋ္ဌာန်းချက်တွင် အောက်ဖော်ပြပါသတ်မှတ်ချက်များနှင့်ကိုက်ညီသူများ အကျုံးဝင်မှုရှိစေရမည် –
(က) ၃၁-၃-၂၀၂၂ ရက်နေ့တွင် အသက် (၆၀)နှစ်မကျော်လွန်သေးသည့် နိုင်ငံ့ဝန်ထမ်းများ၊
( ခ ) ၃၁-၃-၂၀၂၂ ရက်နေ့တွင် အငြိမ်းစားယူရန် ကြိုတင်ပြင်ဆင်ခွင့်ခံစားနေဆဲ နိုင်ငံ့ ဝန်ထမ်းများ၊
( ဂ ) အများပြည်သူအကျိုးငှာ အငြိမ်းစားယူရန် ကြိုတင်ပြင်ဆင်ခွင့်ကိုငြင်းပယ်ပြီး ၃၁-၃-၂၀၂၂ ရက်နေ့တွင် ထိုခွင့်ကိုရွှေ့ဆိုင်းခွင့် (Deferred Leave) ခံစားနေဆဲ နိုင်ငံ့ဝန်ထမ်းများ၊
(ဃ) အသက် (၆၀) နှစ်ပြည့်ပြီးသော်လည်း လုပ်ငန်းလိုအပ်ချက်အရ ဆက်လက်အမှုထမ်း ခွင့် (Extension of Service)ရရှိနေပြီး ၃၁-၃-၂၀၂၂ ရက်နေ့တွင် အသက် (၆၂) နှစ် မကျော်လွန်သေးသူများ၊
MY 
EN