အမိန့်ကြော်ငြာစာအမှတ် ၁၁၈/၂၀၂၀

ပြည်ထောင်စုသမ္မတမြန်မာနိုင်ငံတော်

ပြည်ထောင်စုရာထူးဝန်အဖွဲ့

အမိန့်ကြော်ငြာစာအမှတ် ၁၁၈/၂၀၂၀

၁၃၈၂ ခုနှစ်၊ နတ်တော်လပြည့်ကျော် ၁ ရက်

(၂၀၂၀ ပြည့်နှစ်၊ ဒီဇင်ဘာလ ၃၀ ရက် )

ပြည်ထောင်စုရာထူးဝန်အဖွဲ့သည် နိုင်ငံဝန်ထမ်းဥပဒေပုဒ်မ ၇၆၊ ပုဒ်မခွဲ(ခ) အရ အပ်နှင်းထားသောလုပ်ပိုင်ခွင့်ကိုကျင့်သုံး၍ ပြန်တမ်းဝင်အရာရှိအဆင့် (ဦးစီးအရာရှိနှင့်အဆင့်တူရာထူး) သို့တိုးမြှင့်ခန့်ထားမည့်ဝန်ထမ်းများကို ၂၀၂၁ခုနှစ်၊ ဇန်နဝါရီလမှစတင်၍ စွမ်းဆောင်ရည်အကဲဖြတ်သည့်စနစ်ဖြင့် ဆောင်ရွက်နိုင်ရန်နှင့် နိုင်ငံဝန်ထမ်းနည်းဥပဒေများ ၊ နည်းဥပဒေ ၁၄၊ နည်းဥပဒေခွဲ(ဂ) အရ ပြန်တမ်းဝင်အရာရှိရာထူးသို့ တိုးမြင့်ခန့်အပ်ရန် ပြည်ထောင်စုရာထူးဝန်အဖွဲ့သို့ အဆိုပြုလာသည့် ကိစ္စရပ်များတွင် အဆိုပါအကဲဖြတ်မှတ်တမ်းများကို တစ်ပါတည်း ပူးတွဲပေးပို့နိုင်ရန်အတွက် ပြန်တမ်းဝင်အရာရှိအဆင့် (ဦးစီးအရာရှိနှင့်အဆင့်တူရာထူး) သို့တိုးမြှင့်ခန့်ထားမည့်ဝန်ထမ်းများအတွက် ရလဒ်ကိုအခြေခံသည့် စွမ်းဆောင်ရည်အကဲဖြတ်သည့်စနစ်ကို ဤအမိန့်ကြော်ငြာစာဖြင့်ထုတ်ပြန်လိုက်သည်။

(ဝင်းသိမ်း)

ဥက္ကဋ္ဌ

ပြည်ထောင်စုရာထူးဝန်အဖွဲ့

စာအမှတ်၊   ၃၁၉၃  /   ဥပဒေ   / ၁ / ၂၀၂၀

ရက်စွဲ၊ ၂၀၂၀ ပြည့်နှစ်၊  ဒီဇင်ဘလ ၃၀  ရက်