၃၈။ ရှေးဦးစုံစမ်းမှုပြုလုပ်နိုင်သည့် အမှုကိစ္စများကိုဖော်ပြပါ။
နည်းဥပဒေ ၁၈၂ ပါ ပြဋ္ဌာန်းချက်အရ အောက်ပါအမှုကိစ္စများတွင် ရှေးဦးစုံစမ်းမှု ပြုလုပ် နိုင်သည်-
- (က) စွပ်စွဲတိုင်ကြားချက် တစ်ရပ်ရပ်သည် အခြေအမြစ် ရှိ မရှိ စိစစ်ရန်လိုအပ်သည့် အမှုကိစ္စ၊
- ( ခ ) ဝန်ထမ်း၏ပြုလုပ်မှု သို့မဟုတ် တာဝန်ပျက်ကွက်မှု တစ်ခုခုအတွက် မည်သည့် ဝန်ထမ်းတွင် တာဝန်ရှိသည်၊ မည်မျှအတိုင်းအတာအထိ တာဝန်ရှိသည်တို့ကို စိစစ်ရန် လိုအပ်သည့် အမှုကိစ္စ၊
- ( ဂ ) ဝန်ထမ်းကို ပြစ်မှုကြောင်းအရ အရေးယူနိုင်သည့် သက်သေအထောက်အထား ရှိ မရှိ စိစစ်ရန်လိုအပ်သည့် အမှုကိစ္စ၊
- (ဃ) ဝန်ထမ်းကို ဌာနဆိုင်ရာစစ်ဆေးမှုဖွင့်၍ အရေးယူရန် လုံလောက်သည့်အထောက်အထား ရှိ မရှိ စုံစမ်းရန်လိုအပ်သည့်အမှုကိစ္စ၊
- ( င ) ဝန်ထမ်းကို အရေးမယူမီ ဝန်ထမ်း၏ပြုလုပ်မှု သို့မဟုတ် တာဝန်ပျက်ကွက်မှုနှင့် ပတ်သက်သည့်စာရင်းအင်း၊ စာရွက်စာတမ်း၊ လုပ်ငန်းဆိုင်ရာစည်းမျဉ်း၊ စည်းကမ်း များကို စိစစ်လေ့လာရန်လိုအပ်သည့် အမှုကိစ္စ၊
- ( စ ) ဝန်ထမ်း၏ပြုလုပ်မှု သို့မဟုတ် တာဝန်ပျက်ကွက်မှုသည် အသေးအဖွဲမျှသာဖြစ်၍ ဌာနဆိုင်ရာစစ်ဆေးမှုဖွင့်ပြီး စစ်ဆေးကြားနာရန်မလိုအပ်ဘဲ ရှေးဦးစုံစမ်းမှုအဆင့်၌ပင် အဆုံးအဖြတ်ပြုနိုင်သည့် အမှုကိစ္စ။
- (ဆ) ဝန်ထမ်းအလုပ်ခွင်မှကင်းကွာရခြင်းသည် ဝန်ထမ်း၏ပြုလုပ်မှု သို့မဟုတ် ပျက်ကွက်မှုကြောင့် ဟုတ် မဟုတ် စုံစမ်းရန်လိုအပ်သည့်အမှုကိစ္စ။
MY 
EN