၃၆။ အားလပ်ရက်ရှည်ကို မည်သို့ ခံစားခွင့်ပြုနိုင်ပါသနည်း။

နည်းဥပဒေ  ၉၂ ပါပြဋ္ဌာန်းချက်အရ အားလပ်ရက်ရှည်ခံစားခွင့်ရှိသည့်ဝန်ထမ်းများအတွက် –

• (က)      အားလပ်ရက်ရှည်ကို အပြည့်ခံစားရသည့်နှစ်များတွင် လုပ်သက်ခွင့်ခံစားခွင့်မရှိစေရ။
• ( ခ )      အားလပ်ရက်ရှည်ကို လုံးဝမခံစားရသည့်နှစ်အတွက် လုပ်သက်ခွင့်ကို နည်းဥပဒေ ၈၇ ပါအတိုင်း ခံစားခွင့်ရှိသည်။
• ( ဂ )      အားလပ်ရက်ရှည်ကို တစ်စိတ်တစ်ဒေသခံစားရသည့် နှစ်များအတွက် လုပ်သက်ခွင့် ကိုအောက်ပါအတိုင်း ခံစားခွင့်ရှိသည် –
  မခံစားရသည့် အားလပ်ရက်ရှည်ပေါင်း/ခံစားခွင့်ရှိသည့်အားလပ်ရက်ရှည်ပေါင်း

  × ၃၀ = လုပ်သက်ခွင့်

• (ဃ)      အားလပ်ရက်ရှည်ကို အခြားခွင့်တစ်မျိုးမျိုး၏ ရှေ့မှဖြစ်စေ၊ နောက်မှဖြစ်စေ တစ်ဆက်တည်း ဆက်စပ်ခံစားနိုင်သည်။ သို့ရာတွင်လုပ်သက်ခွင့်နှင့် အတူခံစား သည့်အခါယင်းခွင့်နှင့်အားလပ်ရက်ရှည်စုစုပေါင်းကာလသည် နှစ်လထက်မပိုစေရ။