၁။ နေ့စားဝန်ထမ်းများအား အမြဲတမ်းဝန်ထမ်းများအဖြစ် ခန့်ထားရေးကိစ္စ

ခန့်ထားရေးကိစ္စ

၁။ နေ့စားဝန်ထမ်းများအား အမြဲတမ်းဝန်ထမ်းများအဖြစ် ခန့်ထားရေးကိစ္စ

သက်ဆိုင်ရာဌာနမှ နေ့စားဝန်ထမ်း (၅၆) ဦးအား ခန့်ထားလိုသည့်အငယ်တန်းစာရေး ရာထူးသည် နိုင်ငံ့ဝန်ထမ်းနည်းဥပဒေများ၊ နည်းဥပဒေ ၁၅၊ နည်းဥပဒေခွဲ (ခ) အရ စာရေးဝန်ထမ်း အဆင့် (၁) ရာထူးအဆင့်ဖြစ်သဖြင့်လည်းကောင်း၊ ဒု-လက်ထောက်ကွန်ပျူတာလုပ်ဆောင်ရေးမှူး ရာထူးသည် နည်းဥပဒေ ၁၅၊ နည်းဥပဒေခွဲ(ဂ) အရ ကျွမ်းကျင်ဝန်ထမ်းအဆင့်(၂) ရာထူးအဆင့် ဖြစ်သဖြင့်လည်းကောင်း၊ ရုံးအကူ/ စာပို့နှင့်သန့်ရှင်းရေးအကူ ရာထူးများသည် နည်းဥပဒေ ၁၅၊ နည်းဥပဒေခွဲ (က) အရ အကူဝန်ထမ်းအဆင့် ရာထူးအဆင့်ဖြစ်သဖြင့်လည်းကောင်း ဝန်ကြီးဌာနများ နှင့်အဖွဲ့အစည်းများက ပြင်ပပုဂ္ဂိုလ်များအား စတင်ခန့်အပ်နိုင်သည့်ရာထူးအဆင့်များဖြစ်သဖြင့် သက်ဆိုင်ရာဌာနအနေဖြင့် နေ့စားဝန်ထမ်း (၅၆) ဦးအား နည်းဥပဒေ ၁၇ ပါ ပြဋ္ဌာန်းချက်နှင့်အညီ ခန့်ထားမည့်ရာထူးအဆင့်အတွက် သတ်မှတ်ထားသောအရည်အချင်းနှင့်ပြည့်စုံသည့် နေ့စား ဝန်ထမ်းအား ပြင်ပပုဂ္ဂိုလ်များနှင့်အတူ ယှဉ်ပြိုင်ရွေးချယ်သည့်စနစ်ဖြင့် နည်းဥပဒေများနှင့်အညီ ရွေးချယ်ခန့်ထားရမည်ဖြစ်ပြီး ပြည်ထောင်စုအစိုးရအဖွဲ့၏ ၃၀-၇-၂၀၂၀ ရက်စွဲပါအမိန့်ကြော်ငြာစာ အမှတ်၊ ၆၈/၂၀၂၀ ဖြင့် ထုတ်ပြန်ထားသည့် နိုင်ငံ့ဝန်ထမ်းခန့်ထားခြင်းဆိုင်ရာမူဝါဒများ၊ အပိုဒ် ၂၅ နှင့် အပိုဒ် ၂၉ တို့ပါ သတ်မှတ်ချက်များနှင့်အညီ ဆောင်ရွက်ရမည်ဖြစ်ပါသည်။